АҚШ элчиси ўринбосари Twitter’даги “лайк” учун Туркия ТИВга чақиртирилди

Фото: AP Photo / Burhan Ozbilici

АҚШнинг Туркиядаги элчиси ўринбосари дипломатик ваколатхонанинг Twitter’даги хатти-ҳаракатлари сабабли Туркия ташқи ишлар вазирлигига чақиртирилди. Бу ҳақда РИА Новости хабар берди.

"Ундан элчихонанинг ижтимоий тармоқлардаги кечаги хабари бўйича изоҳ бериши сўралди", деди агентлик суҳбатдоши.

Шанба куни АҚШнинг Анқарадаги элчихонаси Туркия миллий ҳаракат партияси раҳбари Давлат Бохчалининг истеъфоси талаб қилинган твитга “лайк” қўйди.

Дипломатик миссия эртаси куни ушбу ҳолатни хато деб атаб кечирим сўради.

Бохчали бошчилигидаги Миллий ҳаракат партияси Туркия президенти Ражаб Таййип Эрдўғаннинг ҳукмрон Адолат ва тараққиёт партияси билан сиёсий иттифоқда.