Трамп Туркия иқтисодиётини вайрон қилиш билан таҳдид қилди

Фото: REUTERS / Jonathan Ernst

АҚШ президенти Дональд Трамп агарда Анқара унинг фикрича, ҳаддидан ошадиган бўлса, "Туркия иқтисодиётини вайрон қилиш" билан таҳдид қилди.

"Аввал ҳам қатъий таъкидлаганимдек, ҳозир ҳам қайтараман, агарда Туркия менинг буюк тенгсиз донолигимга мувофиқ чегарани кесиб ўтадиган бўлса, мен Туркия иқтисодиётини аввал қилганимдек бутунлай йўқотиб вайрон қиламан", — деб ёзди Трамп ўзининг Twitter-аккаунтида.

Унинг сўзларига кўра, Туркия, Европа давлатлари ва бошқалар "ИШИДнинг қўлга олинган жангарилари ва уларнинг оилаларига кўз-қулоқ бўлиши шарт".

"АҚШ бошқалар кутганидан кўра кўпроқ иш қилди, жумладан, ИШИД халифалигини 100 фоиз янчиб ташлади. Энди ўз ҳудудини ҳимоя қилиш навбати минтақадаги бошқаларга тегишли", — деб ёзди АҚШ президенти.