Фото: Reuters
Боливиянинг ўтиш ҳукумати ташқи ишлар вазири Карен Лонгарик Венесуэла билан дипломатик алоқалар узилганини эълон қилди. Бу ҳақда RT нашри хабар берди.
Лонгарикнинг таъкидлашича, венесуэлалик дипломатларга мамлакатни тарк этиш учун сўнгги муддат берилади. Вазирнинг маълум қилишича, алоқаларни узиш қарори Венесуэланинг Боливия ички ишларига аралашуви сабабли қабул қилинган.
Аввалроқ Боливия президенти Эво Моралес истеъфосидан кейин шакллантирилган ўтиш ҳукумати Венесуэланинг президенти сифатида мухолифатчи Хуан Гуайдони тан олганди.
