Англиянинг Бирмингем шаҳрида яшовчи ўн ёшли қиз IQ тестида энг юқори баллни қўлга киритиб, машҳур олимларни ортда қолдирди, деб ёзмоқда The Sun.
10 ёшли Фрейя Манготра октябрда “Менса” ташкилоти томонидан вояга етмаганлар учун ўтказиладиган IQ тестини топширди ва 162 баллни қўлга киритди.
Қизнинг натижаси Альберт Эйнштейн ва Стивен Хокингнинг натижаларидан икки баллга кўпдир. Бу олимларнинг IQ кўрсаткичи 160га тенг.
Манготра таэквондо бўйича қора белбоғга эга, театр ва шахматни ёқтиради. Сузиш ва рақс билан шуғулланади.