Фото: REUTERS
Польша ҳукумати январь охирида АҚШдан 32 дона бешинчи авлод F-35 қирувчи самолётларини сотиб олишни режалаштирмоқда. Бу ҳақда Польша миллий мудофаа вазири Мариуш Блашчак маълум қилди.
"Биз музокараларни деярли якунладик. Шу ойда Қўшма Штатлар билан 32 дона F-35 – дунёдаги энг замонавий самолётларни сотиб олиш бўйича шартнома имзолаймиз", - деди у.
Аниқ муддат тўғрисидаги саволга вазир "январь охирида" деб жавоб қайтарди.
АҚШ конгресси сентябрда Польшага 32 дона F-35 қирувчисини сотишга розилик берганди. Шартнома қиймати 6,5 млрд доллар деб баҳоланмоқда.
Бугунги кунда Польша ҳарбий ҳаво кучлари 27 дона МиГ-29, 48 дона F-16 ва 18 дона Cу-22 қирувчи самолётларига эга.
