Путин билан мулоқот қилувчиларнинг тана ҳарорати ўлчаниши бошланди

6 февралда Кремлда Россия президенти Владимир Путин иштирокидаги тадбирлар иштирокчиларининг текширувдан ўтказилиши қоидалари қатъийлаштирилди. Таъкидланишича, бу коронавирус тарқалиши билан боғланган.

Бу ҳақда Facebook’да “Дождь” телеканали журналисти Антон Желнов маълум қилди, деб хабар берди Mezon нашри.

“Ва эпидемия ҳақида. Кремлда энди янги назорат тартиби пайдо бўлди – қўлида тепловизор бўлган одам ҳароратингизни ўлчайди”, деб ёзган журналист.

Текширув жараёнига ўзгартириш киритилганини “Ведомости” нашри мухбири, давлат кенгаши президиуми ва фан бўйича президент кенгашининг 6 февралдаги йиғилишида иштирок этувчи Светлана Бочарова тасдиқлаган.

Путиннинг матбуот котиби Дмитрий Песков Кремлдаги қўшимча чоралар янги коронавирус билан боғлангани ва оммавий тадбирларнинг барча иштирокчилари унинг аломатларига текширилишини тасдиқлаган.

Тайёрлаган Шуҳрат Раҳимов

#Владимир Путин #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.