Мусобақа 8-24 май кунлари Швейцарияда бўлиб ўтиши режалаштирилганди.
Швейцариянинг Цюрих ва Лозанна шаҳарларида бўлиб ўтиши керак бўлган хоккей бўйича жаҳон чемпионати коронавирус пандемияси сабабли бекор қилинди. Бу ҳақда Халқаро хоккей федерацияси (IIHF) матбуот хизмати хабар берди.
Мусобақа 8-24 май кунлари ўтказилиши керак эди.
Хоккей бўйича жаҳон чемпионати 1920 йилдан буён ўтказиб келинади, Финляндия терма жамоаси амалдаги жаҳон чемпиони ҳисобланади.
Аввалроқ УЕФА 2020 йилги Европа чемпионатини 2021 йилда ўтказишга қарор қилганди.