Қўшимча функционаллар
-
Тунги кўриниш
AKFA Medline карантиндаги беморларни бепул жойлаштиришга тайёр
Тошкент шаҳрида жойлашган AKFA Medline хусусий клиникаси коронавирус туфайли карантинга олинадиган беморларни ўз шифохонасига бепул жойлаштиришни таклиф қилмоқда. Бу ҳақда клиника маъмурияти Kun.uz'га маълум қилди.
Фото: AKFA Medline
Бундан ташқари, клиника беморларга жой ажратиш билан бирга малакали шифокорлар хизматини ҳам таклиф қилган.
«Бугунги кунда, коронавирус пандемиясига қарши курашишда дунёдаги давлатлар бирлашмоқда ва инсонпарварлик ёрдамлари кўрсатилмоқда. Шу ўринда, AKFA Medline клиникаси ҳам бу пандемияга қарши курашишда юртдошларимизни карантинда сақлаш учун ўз клиникаси, ходимлари ва мутахассислари билан «Пандемияни биргаликда енгамиз!» шиори остида Соғлиқни сақлаш вазирлигига беғараз кўмакдош бўлишга тайёр эканлигини маълум қилади», – дейилади клиника хабарида.
Айни пайтда коронавирусга қарши курашиш ишларига 5,5 мингга яқин тиббиёт ходими жалб этилган. Ҳукумат қўллаётган чора-тадбирлар, қарши кураш воситаларига ҳамоҳанг равишда жамоатчиликнинг бирлашуви, бир ёқадан бош чиқариши ҳам муҳим саналади.
Бундан аввал, Kun.uz таҳририяти ҳам шифокорларимизга ташаккур билдириш мақсадида ўзига хос челленжга қўшилиб, тушлик ташкил этишга қарор қилганди.
#mehnatingizniqadrlaymiz – Тиббиёт ходимларимизни қўллаб-қувватлаш челленжига сиз ҳам қўшилинг .
Коронавирус Ўзбекистонда
Мавзуга оид
21:31 / 30.01.2026
ЖССТ Нипаҳ вируси хавфини паст баҳолади ва чеклов қўйишни тавсия қилмади
20:53 / 25.01.2026
Кореяга киришда карантин талаблари кучайтирилди
12:32 / 02.10.2025
Айрим чегара пунктлари карантин остидаги маҳсулотларни олиб киришга ихтисослаштирилади
19:00 / 16.09.2025