Доминикан ҳукумати аҳолини спиртли ичимлик ичишни тўхтатишга чақирмоқда

Доминикан ҳукумати аҳолини алкоголь истеъмол қилишни тўхтатишга чақирди.

Фото: Shutterstock

«Алкоголь организмнинг ҳимояланишини пасайтиради ва коронавирус юқишини осонлаштиради. Изоляцияда бўлган вақтингизда нотинчлик ва қўрқувни ҳис қилиб ичкилик ичманг», - дейилади маъмуриятнинг Twitter саҳифасидаги мурожаатида.

Айни вақтда мамлакат ҳудудида карантин жорий этилган.

Охирги маълумотларга кўра, Доминиканда 901 киши коронавирусга чалинган, бу бир ҳафта аввалгидан 7 бараварга кўп. 42 киши вафот этган, тўрт киши тузалган.

Аввалроқ ЖССТ бош директори ҳам коронавирусга қарши туриш учун алкоголь, тамакидан воз кечишга ва спорт билан шуғулланишга чақирганди.

Тайёрлаган: Дилшод Аскаров

#Доминикан #спиртли ичимлик #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.