ИИВда янги лавозим тайинловлари амалга оширилди

Ички ишлар вазирининг шахсий таркиб бўйича буйруғи билан лавозим тайинловлари амалга оширилди.

ИИВ ахборот хизмати хабарига кўра, подполковник Мирзоқул Мавлонқулович Маматмусаев вазир ўринбосарининг бошқарув аппарати бошлиғи лавозимига тайинланди. Тайинловга қадар М.Маматмусаев Сурхондарё вилояти ИИБ бошлиғининг жамоат тартибини сақлаш бўйича ўринбосари лавозимида хизмат қилган.

Подполковник Рустамжон Холмирзаевич Дўстматов Наманган вилояти ИИБ бошлиғининг жамоат тартибини сақлаш бўйича ўринбосари лавозимига тайинланди. Тайинловга қадар Р.Дўстматов Тошкент вилояти ИИББ бошлиғининг жамоат тартибини сақлаш бўйича ўринбосари лавозимида хизмат қилган.

Полковник Зоҳид Кушатович Мамадалиев Самарқанд вилояти ИИБ бошлиғининг жамоат тартибини сақлаш бўйича ўринбосари лавозимига тайинланди. Тайинловга қадар З.Мамадалиев Наманган вилояти ИИБ бошлиғининг жамоат тартибини сақлаш бўйича ўринбосари лавозимида хизмат қилган.

Подполковник Фахриддин Умарович Раҳматов Самарқанд вилояти ИИБ бошлиғининг ўринбосари -кадрлар бошқармаси бошлиғи лавозимига тайинланди. Тайинловга қадар Ф.Раҳматов Қашқадарё вилояти ИИБ бошлиғининг ўринбосари - кадрлар бошқармаси бошлиғи лавозимида хизмат қилган.