Президент Гулистонга эвакуация қилинган одамлар билан учрашди

Президент Шавкат Мирзиёев Сардобадаги фавқулодда ҳодиса сабабли Гулистон шаҳрига эвакуация қилинган одамлар билан мулоқот қилиб, улардан кўнгил сўради.

Ҳеч ким эътибордан четда қолмаслиги, ҳаммага ғамхўрлик кўрсатилишини таъкидлади.

Президент Гулистонга эвакуация қилинган одамлар билан учрашувда: «Биз давлат бўлиб, жонажон халқимиз учун барча ишни қиламиз. Янгидан уйлар қурамиз, кўчалар қурамиз, электр олиб борамиз, молларни ҳам топамиз. Жонимиз соғ бўлса бўлди»
Posted by Kun.uz on Saturday, May 2, 2020

Ҳукумат комиссиясига берилган кўрсатмалар асосида сув босган ҳудудларни тозалаш, қурилиш ва таъмирлаш, турмуш маромини йўлга қўйиш бўйича узлуксиз иш давом этмоқда.

Давлат раҳбари Тошкентга қайтди.