Қўшимча функционаллар
-
Тунги кўриниш
Ўзбекистоннинг халқаро захиралари ҳажми 31 млрд доллардан ошди
Ўзбекистоннинг «хавфсизлик ёстиқчаси» ҳажми 31 млрд доллардан ошди
Фото: Brent Lewin / Bloomberg
Марказий банк Ўзбекистон олтин-валюта захиралари статистикасини янгилади.
2020 йил 1 май ҳолатига кўра расмий захиралар 31,2 млрд долларни ташкил этди. Ўзбекистоннинг захиралари заиф диверсификацияланган, шунинг учун деярли барча миқдор олтин (18,5 млрд доллар) ва хорижий валютадаги захира активлар (12,3 млрд доллар) ўртасида тақсимланган.
Марказий банк ушбу маълумотларни ошкор қила бошлаганидан бери (2017 йил кузида) биринчи марта расмий захиралар 31 миллиард доллардан ошди. Улар асосан олтин нархининг ўсиши ҳисобига ортди.
Захиралар, шу билан бирга, мамлакатнинг «хавфсизлик ёстиқчаси» деб ҳам ҳисобланади - улар салбий ташқи шок ҳолатларда зарбани камайтирувчи омил сифатида зарур ва захираларнинг етарлилиги шок ҳолатларнинг хусусиятига бевосита боғлиқ.
Ўзбекистон 16 ойлик импортни молиялаштириш учун етарли захирага эга экани маълум бўлди. Бу тавсия этилган кўрсаткичдан кўп.
Бундан олдин, Ўзбекистоннинг халқаро захиралари ҳажми 30 млрд доллардан ошгани хабар қилинганди.
Мавзуга оид
16:19 / 13.12.2025
Хориждан пул ўтказмалари 11 ойда 17,3 млрд долларга етди
14:57 / 13.12.2025
Тадбиркорлик харитаси: энг кўп корхона Тошкент шаҳрида
14:25 / 13.12.2025
Спорт ва кўнгилочар хизматлар: ҳудудлар кесимидаги янги статистика
14:18 / 13.12.2025