Қирғизистон Сирдарёга инсонпарварлик ёрдами юборди

Қирғизистон ҳукумати Сирдарё вилоятига инсонпарварлик ёрдамини юборди.

Фото: Сирдарё вилояти ҳокимлиги

Қирғизистон элчиси маслаҳатчиси Нурлан Жумалиев делегацияси Сирдарё вилоятига инсонпарварлик ёрдамини олиб келди.

Вилоят ҳокимлиги ахборот хизмати хабарига кўра, мазкур делегацияни Сирдарё вилояти ўринбосари Д.Мадримов, вилоят прокурори Р.Машарипов ҳамда вилоят нуронийлари Гулистон шаҳрида кутиб олишди.

Қирғиз халқи томонидан 3 та юк машинасида 20 тонна макарон, 20 тонна гуруч, 10 тонна ўсимлик ёғи, 10 тонна шакар, 5 тонна сув, 10 тонна картошка олиб келинди, дейилади маълумотда.