Фото: JOAQUIN SARMIENTO / AFP
АҚШ вице-президенти Майк Пенс самолёти қушлар билан тўқнашувдан кейин Манчестер аэропортига (Нью-Гэмпшир штати) қайтишга мажбур бўлди. Бу ҳақда Оқ уй вакилига таяниб The Hill нашри хабар берди.
Таъкидланишича, фавқулодда вазият самолёт ҳавога кўтарилгандан кўп ўтмай юз берган. Самолёт эҳтиёт чораси сифатида аэропортга қайтарилган.
Пенс Гилфорд шаҳрида АҚШ президенти лавозимига номзод Дональд Трамп қўллаб-қувватланган намойишда иштирок этгандан кейин Вашингтонга қайтаётган бўлган.
Пенс ва унинг жамоаси учиш аэропортига қайтгач, юк самолётида Вашингтонга йўл олган.
