Дунёнинг энг бадавлат одамлари ўнталигига кирувчи миллиардерлар бир кун ичида умумий ҳисобда 14,4 млрд доллар йўқотди. Етакчи ўнликдан фақат 2 миллиардергина ўз капиталини кўпайтира олган.
Bloomberg Billionaires Index рейтингига кўра, 26 октябрдаги биржа савдолари натижаларига кўра, Tesla ва SpaceX компаниялари асосчиси Илон Маск бир кун ичида 2,88 млрд долларга, дунёнинг энг бой одами, Amazon асосчиси Жефф Безос эса 263 млн долларга бойиган.
Етакчи ўнликдан Билл Гейтс 2,02 млрд доллар, Бернар Арно 1,67 млрд доллар, Уоррен Баффет 1,65 млрд доллар, Мукеш Амбани 3,29 млрд доллар, Стив Балмер 2,07 млрд доллар, Ларри Пейж 2,03 млрд доллар ва Сергей Брин 1,96 млрд доллар йўқотган.
Бу орада Forbes нашрининг маълум қилишича, дунёнинг 10 нафар энг бой одамининг умумий бойлиги 17 млрд доллардан кўпроққа қисқарган. Етакчи ўнликдан жой олган биргина миллиардер - Жефф Безоснинг капитали камаймаган.
Миллиардерлар капиталининг қисқариши АҚШ фонд биржаларидаги пасайиш билан боғланган. Жумладан, Dow Jones индекси қиймати 2,3 фоизга, S&P 500 индексиники 1,9 фоизга, Nasdaq индексиники 1,6 фоизга қисқарган.
