Европа ва АҚШга Pfizer вакцинасини етказиб бериш бошланди

Вакцина АҚШнинг Мичиган штати ва Бельгиядаги омборларга етказилмоқда. Кейинроқ Висконсин штати ва Германияга етказиш режалаштирилган.

Фото: Picture Alliance

United Airlines авиакомпанияси Pfizer компаниясининг коронавирусга қарши вакцинасини АҚШ ва Европадаги омборларга етказишни бошлади. Бу ҳақда The Wall Street Journal хабар бермоқда.

Нашрнинг маълумот беришича, бу вакцина тегишли органлар томонидан маъқулланиши билан аҳолини имкон борича тезроқ эмлашни бошлаш мақсадида қилинмоқда.

Қайд этилишича, вакцина АҚШнинг Мичиган штати ва Бельгиядаги омборларга етказилмоқда. Кейинроқ Висконсин штати ва Германияга етказиш режалаштирилган.

Эслатиб ўтамиз, Pfizer ва Biontech компаниялари 20 ноябрда АҚШда коронавирусга қарши вакцина рўйхатга олиниши учун ариза берганди.

Тайёрлаган Дилшод Аскаров

#Pfizer #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.