Қўшимча функционаллар
-
Тунги кўриниш
БАА сайёралараро станцияси Марс орбитасига чиқди
БАА космик қурилмаси Марсга етиб борган дунёдаги бешинчи мамлакатга айланди.
Фото: AP/ТАСС
Бирлашган Араб Амирликларининг Al Amal ("Умид") автоматик сайёралараро станцияси қарийб 500 млн км масофани босиб ўтиб, Марс орбитасига чиқди.
Хабар қилинишича, Марсга яқинлашган вақтда гравитацион ҳудудга кириш учун космик қурилма тезлиги соатига 121 минг километрдан 18 минг километрга пасайтирилган.
Космик станция парвози ўтган йил 20 июлда Япониядаги Танэгасима космик марказининг H-IIA ташувчи ракетаси ёрдамида амалга оширилганди.
Марснинг эллиптик орбитасида жойлашадиган мазкур қурилма сайёранинг иқлими ва атмосферасининг қуйи қатламларини ўрганади. У учта камера билан жиҳозланган.
Al Amal илк бор Марс атмосферасининг тўлиқ манзарасини тақдим этади. Унинг ёрдамида Марс иқлимини белгиловчи омиллар аниқланади. Миссия икки йилга яқин давом этади.
БАА космик қурилмаси Марсга етиб борган дунёдаги бешинчи мамлакат бўлди.
Қиймати 200 млн доллар деб баҳоланган мазкур сайёралараро станция парвози БАА ташкил топганлигининг 50 йиллигига бағишланган.
Мавзуга оид
15:41 / 05.12.2025
БАА компаниялари Ўзбекистонда янги қуёш, шамол ва ГЭС лойиҳаларини амалга оширади
11:41 / 28.11.2025
Ўзбекистон ва БАА стратегик шерикликни чуқурлаштириш масалаларини муҳокама қилди
23:07 / 18.11.2025
Ўзбекистон миллий жамоаси халқаро турнир финалида Эронни мағлуб этди
23:00 / 09.11.2025