Чимёнда қор кўчиш хавфи эълон қилинди

ФВВ маълумотига кўра, 2021 йил 10 март соат 08:00дан 11 март соат 08:00гача Чимён ҳудудида қор кўчкиси хавфи эълон қилинди.

«Ҳурматли дам олувчилар! Эҳтиёткорлик чораларини кўришингизни ва «Диққат! Қор кўчиши хавфи мавжуд» белгиси билан чекланган жойларга кирмасликни илтимос қиламиз», дейилади ФВВ хабарида.

Бугун, 10 март куни республиканинг тоғли ҳудудларида баъзи жойларда ёғингарчилик бўлади. Қор кўчиши хавфи бор. Шамол 7-12 м/с тезликда эсади, баъзи жойларда 15-20 м/с гача кучайиши мумкин. Ҳаво ҳарорати 2-7 даража илиқни ташкил этади.