Россия мудофаа вазирлиги Қора денгизга 10дан ортиқ катер ва кемаларини жўнатди 

Россия Каспий флотилиясининг ўндан ортиқ десант ва артиллерия катерлари ҳамда кемаларини Қора денгизга жўнатди. Бу ҳақда Россия жанубий ҳарбий округи матбуот хизмати хабар берди. 

Хабарда айтилишича, Каспий флотилияси катерлари экипажи Қора денгиз флоти кучлари билан ҳамкорликда денгизда ўтказиладиган машғулотларда қатнашади. 

Шу билан бир вақтда, 8 апрел куни Украина ҳарбий-денгиз флоти Қора денгизда машғулотлар ўтказишни бошлагани хабар қилинди.  

6 апрел куни Россия қуролли кучларининг жанговар тайёргарлигини текширувдан ўтказиш бошланганди.  

Маълумот берилишича, апрел ойида турли миқёсдаги 4 мингдан ортиқ машғулот ўтказилади. Машғулотлар барча ҳарбий округлар ва Шимолий флотда бўлиб ўтади. Қўшимча қилинишича, барча турдаги қўшинлар текширилади.