АҚШ Украинанинг НАТОга қўшилишини қўллаб-қувватлашини маълум қилди

Аввалроқ Украина президенти Владимир Зеленский АҚШ президенти Жо Байдендан Украинанинг НАТОга аъзо бўлишида ёрдам беришини сўраганди.

Фото: imago

АҚШ Украинанинг НАТОга қўшилишини қўллаб-қувватлайди. Бу ҳақда Оқ уй матбуот котиби ўринбосари Карин Жан-Пьер маълум қилди.

«Ҳа, қўллаб-қувватлаймиз», — деб жавоб берди Жан-Пьер Жо Байден маъмурияти Украинанинг НАТОга қўшилиши ғоясини қўллаб-қувватлаши тўғрисидаги саволга.

Аввалроқ Украина президенти Владимир Зеленский АҚШ президенти Жо Байдендан Украинанинг НАТОга киришида ёрдам беришини сўраганди. Унинг сўзларига кўра, алянсга аъзо бўлиш Донбассдаги низони ҳал қилишнинг ягона йўли бўлади.

16 апрел куни Зеленский Франция президенти Эммануэл Макрон билан Украинанинг НАТОга аъзолик масаласини муҳокама қилганини айтди.