Словакия AstraZeneca вакцинасидан фойдаланишни тўхтатди

AstraZeneca вакцинасидан фойдаланиш тўхтатилишига 47 ёшли аёлнинг ўлими сабаб бўлди.

Словакия AstraZeneca компаниясининг коронавирусга қарши вакцинасидан фойдаланишни тўхтатди. Бу ҳақда мамлакат соғлиқни сақлаш вазирлиги матбуот котиби Зузана Элиашова маълум қилди.

«Словакия AstraZeneca компанияси вакцинаси билан эмлашни тўхтатди. Бу биринчи доза билан эмланмаганларга тааллуқли», – деди Элиашова.

Биринчи доза билан эмланганлар вакцинанинг иккинчи дозасини ҳам олади.

AstraZeneca вакцинасидан фойдаланиш тўхтатилишига 47 ёшли аёлнинг ўлими сабаб бўлди. Словакия фармацевтика регулятори аёлнинг ўлими AstraZeneca вакцинаси билан боғлиқлигини тасдиқлаган.

Аввалроқ Франция AstraZeneca вакцинасини янги штаммларга қарши қўлламасликка қарор қилганди.

Тайёрлаган Дилшод Аскаров

#Словакия #вакцина #AstraZeneca

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.