Қирғизистонда коронавируснинг учинчи тўлқини бошлангани маълум қилинди

Қирғизистонда коронавирус инфекциясининг учинчи тўлқини кечмоқда. Бу ҳақда мамлакат соғлиқни сақлаш вазири ўринбосари Жалолиддин Раҳматуллаев маълум қилди.

"Пандемия бошланганидан буён коронавирус инфекциясининг иккита эпидемиологик ўсиши кузатилди: 2020 йил июли ва ноябрида. Бугунги кунда касалланишнинг учинчи тўлқини кузатилмоқда", - деди у.

Раҳматуллаевнинг сўзларига кўра, мамлакат соғлиқни сақлаш вазирлиги касалланишлар сони ўсишига тайёр.

Қирғизистонда коронавирус юқтириш билан боғлиқ дастлабки ҳолатлар ўтган йил мартида қайд этилганди. Ҳозирга келиб касаллик юқтирганлар сони 111 мингдан ошган, 1,9 мингдан ортиқ бемор вафот этган.