Дунёда коронавирус юқтириш ҳолатлари сони 180 миллиондан ошди

Пандемия бошлангандан буён дунё бўйича коронавирус юқтириш ҳолатлари сони 180 миллиондан ошди, деб хабар берди Жонс Ҳопкинс университети.

Университет маълумотига кўра, касаллик юқтиришлар сони 180 млн 37 мингдан ошган. 3,9 миллиондан ортиқ бемор вафот этган ва 165,5 миллионга яқин киши касалликдан соғайган. 

COVID-19 тарқалиши тезлиги бўйича АҚШ биринчи ўринда турибди. Бу ерда 33 млн 591 мингдан ортиқ бемор ва 603 мингдан ортиқ ўлим қайд этилган.

Иккинчи ва учинчи ўринларда Ҳиндистон ва Бразилия турибди.

Охирги маълумотларга кўра, сайёра аҳолиси коронавирусга қарши вакцинанинг 2 млрд дозаси билан эмланган.

Аввалроқ коронавирус юқтириш ҳолатлари ўсаётганлиги боис Тошкентга киришда чекловлар жорий этилгани тўғрисида хабар берилганди.