Ғиждувонлик 16 ёшли ўсмир Шўркўл сув омборида чўкиб кетди

Навоий вилояти Конимех туманида жойлашган Шўркўл сув омборида ғиждувонлик 16 ёшли ўсмир чўкиб кетган. Бу ҳақда Бухоро вилояти Фавқулодда вазиятлар бошқармаси Kun.uz’га хабар берди.

Маълум қилинишича, 2021 йил 24 июнь куни Ғиждувон туманида яшовчи 16 ёшли йигит Шўркўл сув омборига чўмилишга бориб, сувга чўкиб кетган. Ўсмирнинг жасади бир кундан кейин топилган.

Қайд этилишича, ўсмир йигитни каналнинг чуқурлиги 3-4 метр бўлган қисмида сув тўлқини оқизиб кетган. Ҳозирда ҳодиса юзасидан суриштирув ишлари олиб борилмоқда.

Бухорода 15 ёшли ўсмир сувда чўкиб кетди

Қарши бош каналида мактаб ўқувчиси чўкиб кетди

Тайёрлаган: Ғайрат Йўлдошев

#Навоий #чўкиш #Шўркўл сув омбори