12 ёшли бола шахмат тарихидаги энг ёш гроссмейстер бўлди

Америкалик 12 ёшли Абҳиманю Мишра гроссмейстер бўлди ва Сергей Карякиннинг рекордини янгилади, деб хабар берди CNN.

У Эло рейтинги бўйича 2500 балл тўплади ва ушбу унвонни олиш учун учинчи нормани бажарди. Рекорд 30 июн куни Будапештда ўтказилган Vezerkepzo GM Mix мусобақасида ўрнатилди.

Мишра ҳал қилувчи баҳсда ҳиндистонлик Леон Мендокани енгди. 

У 12 ёш тўрт ой ва 25 кунлик бўлганида гроссмейстер унвонини қўлга киритди. Аввалги рекорд 2002 йилда 12 ёш етти ойлигида гроссмейстер бўлган Сергей Карякинга тегишли эди.

Мишра етти ёшида АҚШ шахмат федерацияси экспертига айланган, тўққиз ёшида миллий спорт устаси, 10 ёшида халқаро спорт устаси бўлган.