Тошкентда юз берган ЙТҲ оқибатида 17 ёшли йигит вафот этди

Юнусобод туманида рўй берган йўл-транспорт ҳодисаси ҳақида маълумот берилди. Тошкент шаҳар ИИББ тегишли хабарни эълон қилди.

Маълум қилинишича, 2021 йил 26 июль куни тахминан соат 18:30да Юнусобод тумани Янги Юнусобод кўчасида 1993 йилда туғилган С.Х. “Nexia-2” автомобилини бошқариш давомида йўлни кесиб ўтаётган пиёдани уриб юборган.

Йўл-транспорт ҳодисаси оқибатида пиёда, 2004 йилда туғилган А.Т. бадан шикастлари билан шифохонага етказилган, аммо тиббиёт ходимларининг саъй-ҳаракатларига қарамасдан, ҳаётдан кўз юмган.

Мазкур факт бўйича Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми бўйича жиноят иши қўзғатилди. Тергов олиб борилмоқда.

Тайёрлаган: Отабек Матназаров

#Юнусобод #ЙТҲ