Туркия Кобул аэропорти хавфсизлигини таъминлаш режасидан воз кечди – ОАВ

Туркия Кобул аэропортини бошқариш фикридан воз кечди, аммо «Толибон» ҳаракатига техник таъминот ва хавфсизлик соҳасида ёрдам беришга тайёр. Бу ҳақда Туркия хавфсизлик кучларидаги манбаларига таяниб Reuters агентлиги хабар берди.

«Агар «Толибон» техник ёрдам сўраса, Туркия аэропортдаги техника ва хавфсизлик соҳасида ёрдам кўрсатиши мумкин», — деди агентлик суҳбатдошларидан бири.

Унинг сўзларига кўра, «аэропортдаги тартибсизликлар фонида аэропортни турк ҳарбийлари бошқарувига олиш жараёни ўз-ўзидан барҳам топган».

Июл ойида Туркия президенти Ражаб Тоййиб Эрдўған агар АҚШ керакли даражада қўллаб-қувватласа, Туркия Кобул аэропортини бошқаришга тайёрлигини айтганди.