Эндиликда эмланганлик ҳақидаги сертификатни электрон тарзда олиш мумкин

Эндиликда эмланганликни тасдиқловчи сертификатни электрон тарзда олиш мумкин. Бу ҳақда Ахборот технологиялари ва коммуникацияларини ривожлантириш вазирлиги хабар берди.

Қайд этилишича, Ягона портал орқали «Коронавирусга қарши эмлаш» учун электрон тарзда навбатга туриш билан бирга, эмлаш тўлиқ якунлангач тегишли сертификатни юклаб олиш мумкин.

Билдирилишича, коронавирусга қарши эмлаш босқичларидан тўлиқ ўтган шахслар махсус сертификат билан давлат муассасалари, овқатланиш жойлари ва оммавий тадбирларга ташриф буюришлари мумкин.

“Шу ўринда яна бир қулайлик, мазкур хизматдан my.gov.uz мобил иловаси орқали ҳам фойдаланиб, исталган вақтда навбатга ёзилиш ва электрон сертификатни юклаб олиш имконияти мавжуд”, дейилади хабарда.

Тайёрлаган: Отабек Матназаров

#сертификат #эмлаш #коронавирус