CNN манбаларининг сўзларига кўра, АҚШ разведкаси “ИД-Хуросон” гуруҳи “кўплаб ҳужумлар уюштириш имкониятига эгалиги ва ҳужумларни амалга оширишни режалаштиргани тўғрисидаги” маълумотларга эга.
“ИД-Хуросон” гуруҳи жангарилари Кобул аэропорти яқинида кўплаб ҳужумлар уюштиришни режалаштирмоқда. Бу ҳақда Пентагондаги манбаларига таяниб CNN телеканали хабар берди.
Телекомпаниянинг қайд этишича, АҚШ ҳукумати террорчилар аэропортда “хаос ёйишидан” хавотирланмоқда. CNN манбаларининг сўзларига кўра, АҚШ разведкаси “ИД-Хуросон” гуруҳи “кўплаб ҳужумлар уюштириш имкониятига эгалиги ва ҳужумларни амалга оширишни режалаштиргани тўғрисидаги" маълумотларга эга.
Таъкидланишича, охирги вақтда АҚШ разведкаси экстремистлар томонидан кўплаб хатарларни қайд этмоқда. Афғонистондаги икки қамоқхонадан ИШИДнинг 100 га яқин тарафдорлари қочиб кетганидан сўнг АҚШ ҳукуматининг хавотири янада кучайган.
CNN “ИД-Хуросон” аъзолари толибларнинг “ашаддий душманлари” эканлигини қайд этган.
