Евроиттифоқда катта ёшли аҳолининг 70 фоизи коронавирусга қарши эмланди

ЕИдаги катта ёшли аҳолининг 70 фоизи коронавирусга қарши тўлиқ эмланди. Бу ҳақда Еврокомиссия раиси Урсула фон дер Ляйен маълум қилди.

«ЕИдаги 70 фоиз катта ёшлилар тўлиқ эмланди. Бу ютуққа эришишга ҳисса қўшган барчага миннатдорлик билдираман», — деб ёзди у Twitter’да.

Унинг қўшимча қилишича, қолганлар ҳам эмланиши керак.

«Бизга кўпроқ европаликлар эмланиши лозим. Шунингдек, дунёдаги қолган одамлар ҳам эмланиши керак», — деб ёзди у.

Август бошларида фон дер Ляйен Евроиттифоқда катта ёшли аҳолининг 60 фоизи тўлиқ эмланганини маълум қилганди.