Париждаги норозилик намойишлари тартибсизликларга айланиб кетди

Париждаги норозилик намойишлари чоғида йирик тартибсизликлар юз берди, полиция кўздан ёш оқизувчи газ қўлламоқда, деб хабар берди РИА Новости.

Хабарда айтилишича, намойиш қатнашчилари Пале Руаял майдонига етиб борганидан сўнг полиция йўлни тўсиб қўйгани сабабли ортга қайтган.

Намойишчилар орасида айримлар полиция ходимларига қарата тош ва шиша идишлар улоқтирган. Улар шаҳардаги объектларга ҳам зарар етказган.

Полиция бир неча марта кўздан ёш оқизувчи газдан фойдаланган ҳамда сув пуркагичлардан фойдаланган. 

Тўқнашувлар оқибатида жароҳатланганлар борлиги айтилмоқда. 

Санитар рухсатномаларга қарши бўлганлар кетма-кет тўққизинчи шанба намойиш ўтказмоқда.