4та давлатда болалар орасида янги респиратор вирус тарқалиши қайд этилди

Нью-Йорк шифохоналаридан бирининг болалар юқумли касалликлари бўлими бошлиғи Робия Аганинг таъкидлашича, чақалоқлар ва кичик ёшли болаларнинг RSV билан касалланиш ҳолатлари апрелдаёқ қайд қилинган. Шу сабабли интенсив даволаш бўлимлари бемор болалар билан тўлиб-тошган.

Олимларнинг таъкидлашича, коронавирус пандемияси RSV тарқалишига таъсир кўрсатган, чунки карантин чекловлари сабабли болаларда ушбу вирусга қарши иммунитет ҳосил бўлмаган. Карантин юмшатилгандан кейин эса унинг авж олиши юз берган.

АҚШнинг касалликларни назорат қилиш ва олдини олиш маркази маълумотларига кўра, ушбу вирусга чалинган аксарият болаларда касаллик шамоллаш каби тумов ва йўтал билан енгил шаклда ўтади. Бироқ у баъзи ҳолатларда бронхиолит ҳамда ўпканинг пастки бўлимлари яллиғланишига олиб келиши мумкин.