Қўшимча функционаллар
-
Тунги кўриниш
Биржа савдоларида бензин нархи 9 фоизга арзонлашди
Биржа савдолари орқали бензин сотиб олувчи кунлик харидорлар сони 3,7 баробарга ошган.
Фото: Известия
Жорий йилнинг 18 ноябрь куни биржа савдоларига жами 4 минг 438,9 тонна АИ-80 маркали бензин қўйилган бўлса, шундан 3 минг 339,7 тонна ёки 75 фоизи сотилган. Бу ҳақда Монополияга қарши кураш қўмитаси маълумот бермоқда.
«Кўрилган амалий тадбирлар натижасида, 15 ноябрга нисбатан 18 ноябрь куни АИ-80 маркали автомобиль бензинининг ўртача сотилиш нархлари 1 тоннаси 10 млн 129 минг сўмдан 9 млн 180,5 минг сўмгача пасайиб, 9 фоизга арзонлашди», — дейилади хабарда.
Шунингдек, биржа савдолари орқали бензин сотиб олувчи кунлик харидорлар сони 3,7 баробарга ошган (32 тадан 119 тага).
Аввалроқ, Монополияга қарши курашиш қўмитаси раиси ўринбосари Фаррух Қорабоев бензин нархи ошишида манипуляция ҳолатлари аниқланганини ва кўрилаётган чоралар сабаб яқин орада нархларда ўзгариш бўлиши мумкинлиги ҳақида айтганди.
Мавзуга оид
13:14 / 04.12.2025
АЁҚШда нефт маҳсулотлари сифати устидан назорат кучайтирилди
17:20 / 22.11.2025
Президент Тошкент ҳавосини яхшилаш чораларини тасдиқлади
16:18 / 15.10.2025
Феодосиядаги нефт базаси учинчи кундирки ёнмоқда. Бу ҳақда нималар маълум?
18:21 / 12.10.2025