Толиблар БААнинг Афғонистондаги элчихонаси фаолиятини тиклаганини маълум қилди

Афғонистон ОАВнинг хабарларига кўра, яқин вақт ичида Кобулда Саудия Арабистони элчихонаси ҳам ўз ишини бошлаши мумкин.

БААнинг Кобулдаги элчихонаси уч ойлик танаффусдан сўнг фаолиятини тиклади. Бу ҳақда Афғонистон ахборот ва маданият вазири ўринбосари Аҳмадулла Восиқ маълум қилди.

"Бирлашган Араб Амирликлари пойтахт Кобулдаги элчихонасини қайта очди ва ўз байроғини кўтарди. Бу ҳамкорлигимизнинг янада улкан истиқболи томон ижобий қадам. БАА ва Афғонистон мустаҳкамлаш зарур бўлган яхши муносабатларга эга", - деб ёзди у ўз Twitter саҳифасида.

БАА ҳукумати бу маълумотни ҳозирча тасдиқламади.