Қозоғистондаги тартибсизликлар оқибатида етказилган зарар миқдори ҳисобланди

Мамлакат миллий тадбиркорлар палатасининг маълумотига кўра, республика бўйича 300га яқин савдо ва транспорт субъектлари зарар кўрган.

Фото: РИА Новости

Қозоғистондаги оммавий тартибсизликлар натижасида етказилган зарар миқдори 92 миллион долларни ташкил этди, деб хабар бермоқда Lenta.

Қозоғистон миллий тадбиркорлар палатасининг маълумотига кўра, республика бўйича 300га яқин савдо ва транспорт субъектлари зарар кўрган.

Эслатиб ўтамиз, 2 январь куни бошланган намойишлар 4 январда авж олиб, бутун мамлакатга тарқалди.

5 январь куни Қозоғистон ҳудудида фавқулодда ҳолат эълон қилинди.

Мамлакат ССВ маълумотига кўра, оммавий тартибсизликлар вақтида мингдан ортиқ киши жароҳатланган, шундан 400га яқин киши шифохонага ётқизилган.

Тайёрлаган: Дилшод Аскаров

#тартибсизликлар #Қозоғистон

2 январь куни Қозоғистоннинг Манғистау областида суюлтирилган газ нархи икки бараварга кўтарилганидан норози бўлган қозоғистонликлар оммавий митингга чиқишди ва кейинги кунларда намойишлар бутун мамлакат бўйлаб ёйилди.