Регион губернаторининг сўзларига кўра, мигрантларга бериладиган патентлар сони ҳам чекланади.
Фото: ТАСС
Россиянинг Калуга области губернатори Владимир Шапша мигрантларга қатор соҳаларда ишлаш тақиқланганини маълум қилди.
Унинг билдиришича, яқин вақт ичида хориж фуқароларининг умумий овқатланиш, транспорт ва чакана савдо соҳаларида ишлашини тақиқлаш режалаштирилган.
Бундан ташқари, Шапша мигрантларга бериладиган патентлар сонини чеклашни ваъда қилди.
Кейинроқ губернатор «Подъем» нашрига берган интервьюсида мигрантларнинг ишлашини бутунлай тақиқлаш тўғрисида гап бормаётганини айтди.
«Биз ҳамма нарсани тақиқламаяпмиз. Маҳаллий аҳоли томонидан тўлдирилмаётган вакансияларни ёпиш учун квоталар сонини қисқартирамиз», — деди Шапша.
