Россия уруш бўлишини истамайди - Путин

Россия президенти Владимир Путин Германия канцлери Олаф Шолц билан музокара ўтказди.

Фото: ТАСС

“Россия уруш бўлишини истамайди”, – деди Россия президенти Владимир Путин Германия канцлери Олаф Шолц билан ўтказилган музокаралардан кейинги матбуот анжуманида.

«Ҳозир жаноб федерал канцлер ва унинг ёшидаги одамлар, мен ҳам ўша авлодга мансубман, Европада уруш бўлишини тасаввур қила олмаслигини айтди. Бу албатта, Украина атрофидаги вазиятга нисбатан айтилди. Аммо биз Европадаги урушнинг гувоҳи бўлмадикми? Айнан НАТО блоки Югославияга қарши очган урушнинг», — деди Путин.

Россия президенти Белградга ракета-бомба зарбалари берилган ҳарбий операцияни эслатди.

У Россия Европада уруш бўлишини хоҳламаслигини таъкидлади.

«Айнан шу боис музокаралар жараёни тўғрисидаги таклифларимизни илгари сурдик, бунинг натижаси барча учун тенг хавфсизлик тўғрисидаги келишув бўлиши лозим. Афсуски, таклифларимизга батафсил жавоб олмадик», — деди Путин.

Тайёрлаган: Дилшод Аскаров

#Европа #Владимир Путин