Долларнинг расмий курси кетма-кет етти кунлик ўсишдан сўнг пасайди

Марказий банк хорижий валюталарнинг ўзбек сўмига нисбатан 24 мартда амалда бўладиган қийматини белгилади.

Унга кўра, долларнинг расмий курси 62,40 сўмга пастлаб, 11 509,59 сўмни ташкил қилди. Евро 66,68 сўмга пастлаб, 12 726,15 сўм бўлди. Рубль 2,83 сўмга кўтарилиб, 113,39 сўм бўлди.

17 март куни долларнинг расмий курси 241,61 сўмга кўтарилиб, 11 571,99 сўмни ташкил қилганди. Тижорат банкларида 17 март куни доллар курси 11 630 сўмгача кўтарилди, 18 март куни эса 11 560 сўмгача пасайди.

Маълумот учун, йил бошидан бери сўм АҚШ долларига нисбатан 6,8 фоизга қадрсизланди. Шу муносабат билан Марказий банк ички валюта бозоридаги интервенсия ҳажмини оширди.