Туркиянинг Европа ва Осиё соҳилларини боғловчи кўприк очилди

Туркия президенти Ражаб Тоййиб Эрдўған Дарданелла бўғози орқали ўтувчи Чаноққалъа 1915 кўпригини очди. Бу ҳақда CNN хабар берди.

Туркиянинг Европа ва Осиё соҳилларини боғловчи кўприк қурилиши 2,5 млрд еврога тушди. У Туркия ва Жанубий Корея компаниялари томонидан қурилди.

Кўприкнинг марказий икки устуни орасидаги масофа 2023 метрни ташкил этади. Устунларнинг баландлиги 318 метр бўлиб, кўприкнинг умумий узунлиги 4,6 км.

Кўприкдан ўтиш нархи енгил автомобиллар учун 200 лира (13,50 доллар). Илгари Анталиядан Галлиполига борадиган транспорт воситалари Дарданелладан паромда ўтиши керак бўларди. Навбат кутиш билан бирга бунга 5 соатга яқин вақт кетган бўлса, эндиликда бўғозни кесиб ўтиш учун олти дақиқа сарфланади.