Столтенберг Россия томонидан НАТО учун бевосита таҳдид йўқлигини айтди

Йенс Столтенберг НАТО низо Украинадан ташқарига чиқмаслиги учун жавобгар эканлигини таъкидлади.

Фото: DPA

НАТО бош котиби Йенс Столтенберг Россия алянс аъзоларига бевосита таҳдид солади деб ҳисобламаслигини айтди.

"Биз дунёдаги энг кучли иттифоқмиз. Биз бирга эканмиз, хавфсизликдамиз", деди у НАТО саммитида.

Шу билан бирга, Столтенберг НАТО Украинадаги урушга аралашмаслигини таъкидлади.

"Биз бу низо Украинадан ташқарига чиқмаслиги учун жавобгармиз, бу янада кўпроқ қайғу, ўлим, вайронгарчиликлар олиб келади", - деди НАТО бош котиби.

Унинг сўзларига кўра, Украина узра парвоз қилиш тақиқланган ҳудуд жорий этиш жудаям хавфли.

"Парвоз қилиш тақиқланган ҳудуд ўрнатиш учун биз Россия, Беларус ва Украинадаги Россия ҳаво ҳужумидан мудофаа тизимларига ҳужум қилишимиз, Россия самолётларини уриб туширишга тайёр бўлишимиз керак. У ҳолда НАТО ва Россия ўртасида улкан уруш келиб чиқиш хавфи пайдо бўлади", деди Столтенберг.

Тайёрлаган: Дилшод Аскаров

#Россия #НАТО