Қўшимча функционаллар
-
Тунги кўриниш
Хитой энг замонавий авиаташувчи кемасини сувга туширди
Кеманинг сув сиғими 80 минг тоннадан ортиқ. У оддий трамплин ўрнига электромагнит катапулталар билан жиҳозланган. Узунлиги 320 метрли кемага Тайванга энг яқин масофада жойлашган Фуцзян провинцияси номи берилган.
Фото:chinamil.com.cn
Хитой ўзининг энг замонавий "Фуцзян" авиаташувчи кемасини сувга туширди, деб хабар берди Reuters.
Хабарда айтилишича, Шанҳайдаги Jiangnan Shipyard верфи тўлалигича Хитой лойиҳаси асосида қурилган учинчи авиаташувчи кемасини сувга туширган.
Кеманинг сув сиғими 80 минг тоннадан ортиқ. У оддий трамплин ўрнига электромагнит катапулталар билан жиҳозланган. Бу самолётларнинг ҳавога тезроқ кўтарилиши ва кўп миқдорда ёнилғи захирасига эга бўлишига имкон беради.
Эндиликда "Фуцзян" жадвалга мувофиқ синовлардан ўтказилади.
Қайд этилишича, узунлиги 320 метрли кемага Тайванга энг яқин масофада жойлашган Фуцзян провинцияси номи берилган.
Кемадан фаол фойдаланиш 2024 йилда бошланиши мўлжалланган. Унгача эса кема барча керакли қурилмалар билан жиҳозланади.
Мавзуга оид
14:45 / 01.01.2026
Финляндия полицияси Болтиқ денгизида Россиядан келаётган кемани қўлга олди
08:48 / 23.12.2025
Трамп ўз номи билан аталадиган жанговар кемалар қурилишини эълон қилди
14:41 / 13.12.2025
Украина: Каспийда Россиянинг қурол ташиган икки кемасига ҳужум қилинди
13:05 / 09.12.2025