Ўқувчини бир синфдан бошқа синфга ўтказиш тартиби маълум қилинди

Ота-оналар ўз фарзандларини ўз хоҳишига кўра ўқув йили давомида ёки у тугаганидан сўнг бир синфдан бошқа синфга ўтказиш ҳуқуқига эга.

Фото: Kun.uz

“Ҳуқуқий ахборот” каналида ёзилишича, бунда ота-оналар фарзандини синфдан синфга ўтказиш сабабларини кўрсатиб мактаб директори номига ариза беради.

Директор аризани олган кундан 1 иш кунида кўриб чиқади ва ўқувчини синфдан синфга ўтказиш тўғрисида буйруқ чиқаради.

Синфдаги ўқувчилар сони меъёрдан (35 нафар) ортиқ бўлганда, директор ўқувчини синфдан синфга ўтказишни рад қилиши мумкин.

Рад этиш ҳақида директор 3 кунда ота-оналарга ёзма равишда маълум қилиши керак.

Директорнинг ўқувчини синфдан синфга ўтказиш тўғрисидаги буйруғи қабул қилингач, 3 кунда синф журнали ва ўқувчилар ҳаракати дафтарига тегишли ёзув киритилади.

Тайёрлаган: Отабек Матназаров

#ўқувчи #синф