Дам олиш кунлари қуруқ ва бироз иссиқ об-ҳаво бўлиши кутилмоқда

Қулай ҳарорат Ўзбекистон аҳолисини қувонтиришда давом этади.

Фото: Kun.uz

Бугун ва дам олиш кунлари республика ҳудуди бўйича қуруқ ва бироз иссиқ об-ҳаво бўлиши кутилмоқда.

“Ўзгидромет” хабарига кўра, ҳарорат фони меъёрий қийматлардан бироз юқори бўлиб, кечалари 20-25 даража иссиқ, кундуз кунлари 32-37 даража иссиқ атрофида бўлади.

Фақат Ўзбекистоннинг айрим тоғли ҳудудларида ушбу кунларда момақалдироқ билан қисқа муддатли ёмғир ёғиши кутилмоқда.

Қайд этилишича, момақалдироқ пайтида шамол 15-20 м/с гача кучайиши мумкин.