Болгариянинг София шаҳрида таэквондо бўйича ўсмирлар ўртасидаги жаҳон чемпионати давом этмоқда.
Фото: Ўзбекистон таэквондо WTF ассоциацияси
Ўзбекистон таэквондо WTF ассоциацияси хабарига кўра, мусобақа учинчи кунида -52 кг вазн тоифасида ўзбекистонлик Маржона Худойқулова совриндор бўлди.
Қайд этилишича, финалга қадар барча рақибаларини таслим қилган Маржонага ҳал қилувчи баҳсда бироз омад етишмади ва кумуш медални қўлга киритди.
Мусобақа биринчи куни ўзбекистонлик Гулшан Исмоилова бронза медалига эга чиққан эди.
Ўсмирлар ўртасидаги жаҳон чемпионати 7 августга қадар давом этади.
