Ижтимоий тармоқларда Олмазор тумани Қорақамиш даҳасида столба портлаб кетгани ҳақида турли хабар ва видеолавҳалар тарқалди. Туман ҳокимлиги ҳолат юзасидан расмий маълумот берди.
Фото: Олмазор тумани ҳокимлиги
Қайд этилишича, Олмазор тумани Қорақамиш даҳасида жойлашган «Аъло» тўйхонаси қарама-қаршисидаги подстанцияда 110 кВт юқори кучланишли ҳаво линияси 27-таянч устунида номаълум сабабларга кўра қисқа туташув содир бўлган.
Қисқа туташув оқибатида содир бўлган ёнғин ўз вақтида ўчирилиб, муаммо бартараф этилган.
Таъкидланишича, ҳозирги ҳолатда 27-таянч устунида доимий кучланиш мавжуд.
