Ўзбекистонда эгизак чақалоқлар кўпроқ қайси ҳудудларда туғилаётгани айтилди

2022 йилнинг январь–сентябрь ойларида республика бўйича жами 14 803 нафар эгизак чақалоқ туғилган. 

Давлат статистика қўмитаси маълумотларига кўра, бу - ўтган йилнинг мос даврига нисбатан 1011 тага кўп.
 
Ҳудудлар кесимида туғилган эгизак чақалоқлар сони бўйича Самарқанд вилояти етакчилик қиляпти – 1716 нафар.

Ундан кейин ўринларни мос равишда 1532 нафар ҳамда 1376 нафар эгизак чақалоқ туғилган Қашқадарё вилояти ва Тошкент шаҳри эгаллади.

Қолган ҳудудлар кесимида ушбу кўрсаткич қуйидагича кўриниш олди:

• Наманган вилояти – 1345 нафар;
• Фарғона вилояти – 1338 нафар;
• Андижон вилояти – 1328 нафар;
• Сурхондарё вилояти – 1259 нафар;
• Тошкент вилояти – 1190 нафар;
• Бухоро вилояти – 758 нафар;
• Қорақалпоғистон Р. – 714 нафар;
• Хоразм вилояти – 711 нафар;
• Жиззах вилояти – 656 нафар;
• Навоий вилояти – 492 нафар;
• Сирдарё вилояти – 388 нафар.