Қўшимча функционаллар
-
Тунги кўриниш
Херсон ва вилоятнинг бир қисми электр энергиясиз қолди
Херсон ва вилоятдаги яна бир қанча аҳоли пунктлари электр энергиясиз қолди. Бу ҳақда Херсон вилояти кенгаши раҳбарининг биринчи ўринбосари Юрий Соболевский маълум қилди.
Фото: Известия
«Минтақани эгаллаб олган Россия кучлари «террорчилик ҳаракати ҳақида аллақачон хабар беришган». Бироқ улар террорчилик ҳаракати улар томонидан содир этилганига аниқлик киритишмаган. Гувоҳларнинг сўзлари буни тасдиқлайди», - дея таъкидлади Соболевский.
Аввалроқ вилоят ҳарбий маъмурияти бошлиғи Ярослав Янушевич Херсон вилоятидаги рус қўшинлари Херсондан чекиниш чоғида Днипро ва унинг ирмоқларидаги сувни ифлослантириб, экологик фалокат келтириб чиқаришга уринаётганини билдирганди.
Унинг сўзларига кўра, Днипронинг ўнг қирғоғидан жўнаб кетаётганда рус қўшинлари шаҳар пристанларига қўйиб қўйилган кемаларни портлатиб юборган, шу сабабли 10 тоннадан ортиқ ёнилғи-мойлаш материаллари дарёга тушиб кетган.
Бу Рамсар конвенцияси билан ҳимояланган сув қушларининг яшаш муҳитини йўқ қилиш билан таҳдид солади.
Украина томони дарёни тезда тозалай олмайди, чунки унинг мутахассислари Россия томонидан босиб олинган ҳудудларга кира олмаяпти.
Янушевичнинг сўзларига кўра, ҳаракатсизлик минтақадаги сув-ботқоқ ерларининг ўнлаб йиллар давомида ифлосланишига олиб келиши мумкин.
Россия-Украина уруши
Мавзуга оид
11:53 / 09.01.2026
Эҳтиёжманд оилаларга электр ва газ бўйича компенсация берилмоқда
15:41 / 07.01.2026
Диверсия туфайли Берлинда 25 500 квартира электрсиз қолмоқда
11:33 / 06.01.2026
Берлин блэкаути: ҳокимият кабел ёқиб юборилишини “сўл терроризм” деб атади
10:56 / 02.01.2026