Қозоғистон Ўзбекистонга манго сотиш бўйича биринчи ўринга чиқди

2022 йил январь-октябрь ойларида Ўзбекистонга 70 тонна манго импорт қилинган. 

Давлат статистика қўмитаси маълумотларига кўра, манго импорти ҳажми ўтган йил мос даври билан солиштирилганда 32 тоннага камайган.

2022 йил 10 ойида Ўзбекистон энг кўп манго импорт қилган давлатлар орасида Қозоғистон биринчи ўринни эгаллаб турибди – 22,2 тонна.

Ундан кейинги ўринлардан мос равишда 16,3 тонна ҳамда 7,6 тонна манго олиб келинган Бразилия ва Хитой жой олди.

Ушбу кўрсаткич қолган давлатлар кесимида қуйидагича кўринишга эга бўлди:

• Таиланд – 7,5 тонна;
• Россия – 5,7 тонна;
• Перу – 3,9 тонна;
• Туркия – 3,8 тонна.