Шавкат Мирзиёев Нурсултон Назарбоев билан телефон орқали мулоқот қилди

Фото: Президент матбуот хизмати

21 апрель куни Ўзбекистон президенти Шавкат Мирзиёев ва Қозоғистон биринчи президенти Нурсултон Назарбоев ўртасида телефон орқали мулоқот бўлиб ўтди.

Суҳбат аввалида давлат раҳбари ва Қозоғистон биринчи президенти бир-бирини муборак Рамазон ҳайити билан табриклаб, қардош халқларга фаровонлик, тинчлик-осойишталик ва равнақ тилади.

Ўзбекистон ва Қозоғистон ўртасидаги дўстлик, яхши қўшничилик, стратегик шериклик ва иттифоқчилик муносабатларида юксак даражага эришилгани қайд этилди.