Уларни экстрадиция қилиш масаласи ҳал қилинмоқда.
Фото: AP
Қозоғистон пойтахти Остона шаҳри полицияси давлатлараро қидирувда бўлган Ўзбекистоннинг уч фуқаросини қўлга олди. Бу ҳақда Kazinform хабар берди.
2022 йилда Россияда қидирувга берилган 20 ёшли йигит Москва шаҳридаги савдо уйларидан бирида ўғирлик содир этган.
Шунингдек, чегарани ноқонуний кесиб ўтган 36 ёшли эркак ва 2020 йилда фирибгарликда айбланган 43 ёшли эркак ҳам ушланган.
Ҳибсга олинганларнинг барчаси Остона шаҳри вақтинчалик сақлаш ҳибсхонасига қамалган.
Уларни экстрадиция қилиш масаласи ҳал қилинмоқда.
